17. Vo Hint Bis Vorn
Musik: Siegfried Gansch • Text: Siegfried Gansch • Bass: Klaus Kahlfuß • Cuts/Scratches: Siegfried Gansch
Chorus:
Ob Zeitung, Fernsehen oder Internet-Foren /
Vüles mochen’s uns vor, doch es is sicher ned wohr /
Olle glauben’s wir san echt taub oder blind geboren /
Ma kaun nix mehr glauben, wir werdn vaorscht vo hint bis vorn /
Egal ob Politiker oder Wirtschoftsprofessoren /
Vüles redens uns ei, doch es is sicher ned wohr /
Olle glauben’s wir san so dumm und grün hinter de Ohren /
Ma kaun nix mehr glauben, wir werdn vaorscht /
Verse 1:
De Flimmerkistn is aus, i schlog ka Zeidung mehr auf /
Jeden Tog der söwe Schas, immer da gleiche Graus /
Fost täglich bringt uns de Post afoch nur scheiße ins Haus /
Ollas woins da audrahn, wosma meistens ned braucht /
„Mit dem kriegst die feinere Haut, mit dem den geileren Sound /
Mit dem mochst Scheine zu Hauf, des is leiwand des brauchst /
Dir gehts schlecht? Geh zu dem, der hod die heilende Haund /
Und glaubmas nur auf dera Seitn findst de geignete Frau“ /
I speib mi glei au, wäu i die Scheiße ned glaub /
Wenns ihr durcht Wöd gehts, mochts ihr die Augen eigentlich auf? /
Se san aunscheinend taub oder geistig so kraunk /
Lossen sie beeinflussen, dass ka eigene Meinung mehr haum /
Lossen se leiten, wie a Fisch zur Aungel und daun beißn’s au /
Kaufen und Kaufen, ah wenn sis kana leisten kau /
San wir leicht zu manipulieren, haum die Leit kan Vastaund?
Traurig, vo hint bis vorn, wos die meisten so glauben /
Chorus
Verse 2:
I wirf ned de Flintn ins Korn, owa oft bin i echt schockiert /
Ois wird vatuscht, kaschiert, ois is retouschiert /
Steht do a Mensch vor mir, der sei Gedächtnis gspirt /
Oder a Schaufensterpuppn, de nur lächelnd wirbt?!
Mi interessierts ned wo’s die Presse auf die Headline schmiert /
Hauptsoch es schockt und mocht Aungst und die Menschen vawirrt /
Journalisten de foisch recherchieren, ned denken mit Hirn /
Fakten vabiagn und zuletzt ah nu liagn /
Für Entertainment und Quoten mochn Sender scho ois /
Umso inszenierter die Sendung, umso länger da Hois /
Dadurch san vüle verseucht und längst scho betäubt /
Doch ka Penner schnoits, die gaunzen Blender san foisch /
Doch eichan Job mochts vadaummt guad, ehrlich gsogt /
Echt raffiniert, so wird Werbung gmocht /
„Schau moi schnö!“ - und scho wird in Fernseher gofft /
Trinken dabei Energydrinks, owa werdn ned woch /
Chorus
Verse 3:
Wo san die richtigen Vaträge, wo die echten Zoin? /
I wia des Gfüh ned los, dass nur Göd scheffin woin /
Wos is mit de foischen Stimmen und Woivasprechn? /
Hobts de nochm Stechen, scho wieder voi vagessn? /
Sie woin uns in die Irre führen, unsan Glauben vadrahn /
Uns zum Norrn hoidn und Saund in de Augen strahn /
Se san weit entfernt vo Ehrlichkeit und i muas ehrlich sei /
Dass mei Büd vo Politik wie dem vo Scherbn gleicht /
Ihr seits genauso foisch wie Brustimplantete /
Schlecht wie eicha Haundeln und maunch Luft die i atme /
Wie foische Lebensmittel mit gfährlichn Ereger drin /
Sicher is, dass i nu mehr schwerwiegende Fehler find /
Wäu i a Gegner bin vo Betrug und Missbrauch /
Es gibt vü Gründe warum i’s ned tuld und nix glaub /
Und daun überwiegt mei innera Zorn /
Wäu die meisten dem glauben schenken vo hintn bis vorn /
