Get all 26 CHiLL-iLL releases available on Bandcamp and save 40%.
Includes unlimited streaming via the free Bandcamp app, plus high-quality downloads of True Words, L.A. 2 L.A., Tornado feat. Rakaa Iriscience, Familiar feat. Malev Da Shinobi, Heimquarantäne Bars, Raum & Zeit (Single), Klarsicht feat. Lela, Quadratschädel, and 18 more.
1. |
Aunka Des Lebens
03:10
|
|||
|
Hook:
Ois is im Lot und wos wüll i denn mehr /
Ois is do wos i brauch und die klan Züle sans wert /
Die Masse erstickt im Woistaund uns si fühlen nix mehr /
I blick zufrieden noch innen und nimm die Hüllen ned ernst /
Verse 1:
Der Kaumpf gegen Windmühlen is schwer, am seidenen Foden /
Ma fühlt si gfaungen und mit lebendigem Leibe begroben /
Es föht die Luft zum aushoin für’n Befreiungsschlog /
Doch es schofft die Geisteskroft am gleichen Tog, dass’ di auf neiche Weichen trogt /
Ma is betriebsblind, vastrickt im Tiefsinn /
und im inneren Frieden den ma hod, steckt doch ka Peace drin /
Des gaunze drumherum, woma unrund im Sumpft huckt /
doch ma was dass da Punkt kummt und mit Schwung da Trumpf funkt /
- Umso schena wemma große Zeichen wieda siacht /
ned den Weitblick valiert, auf da Reise im hier /
Wieder Zeit investiert, bevor ma ins Internet geht /
Da Körper schreit noch mehr Bewegung, Natur und Vitamin D /
Wo liegt mei Priorität? In da Ausgewogenheit /
Aundare heben ob und fliagn, I schau dass i am Boden bleib /
Schätz mei Dosein ois gaunzes und blick daunkbar entgegen /
Er is wieder am Start - der Aunka des Lebens /
Hook - 2x
Verse 2:
Oft genug steht ma si söwa im Weg /
Reflektiert kaum seine Schritte und die gaunzes Föhla im Leben /
Des Haumstaradl trogt immer mehr a schnöllas Packet /
Doch vüle stoppen scho, bevor’s überhaupt den Töllaraund segn /
Kana schätzt wert wosma haum, es föht vamehrt aun Vastaund /
Aun mehr Bescheidenheit, weniger Luxus und mehr Vatrauen /
Si woin ned ausbrechen, doch haums amoi Auslauf /
San’s olle im Kaufhaus, im Kaufrausch bis da Sau grausst /
Mehr Überschüss im Überfluss und besser kassieren /
Es reicht ned, nur Cash im Hirn und gscheit expandieren /
Um wos gehts’n? I was ned ob ma so glicklicka is /
Und die meisten werdn so nervös wenn diese Sicherheit bricht /
Nur Schworz & Weiß-Denken, ohne Grau-Mischung im Blick /
Doch in ana Mittelschicht, soitma doch wissen wos dazwischen liegt /
Vasinken im Gift oder gaunz klor dagegen?
Zeit des Segel zu wenden für den Aunka des Lebens /
Hook - 2x
Outro:
Da gläsane Mensch steht do mit seim offenem Buach /
Völlig übersättigt, owa kriagt doch nu ned gnua /
Bis die Kroft auslosst und da Kopf laut plotzt /
Schau i von da weidn zua und drah i den Knopf auf Off /
|
||||
2. |
One Man Army
04:04
|
|||
|
Hook - 2x:
Die One-Man-Army schiasst scho wieder schorf /
Si kämpft si allanig durch, denn sunst wird des nie so stork /
Für a höfende Haund gibt’s kan wirklichen Bedorf /
I mochs söwa, haut scho hi, denn sunst kummt do nix in Fohrt /
Verse 1:
Vielleicht wirkt’s a bissl org, owa waunst des meiste ned söwa mochst /
kummt nix ins roin und Pläne vo aundare san föh am Plotz /
Wos ned haßn soi, dass i ma gornix sogn los /
Doch i kenn fost kan, der glei amoi den Schopf beim Krogen pockt /
Ma kunnt jo glauben, dass i kaum wos aus da Haund gib /
Doch kana mocht an Haundgriff, do saumelt si die Staubschicht /
Oft i her is’ nur reden, owa kana nimmts in Aungriff /
Des Mäu wird nur groß aufgrissen, beschwipst am Staummtisch /
Und des wor’s a scho, nächsten Tog is des passe /
Ois is über’n Haufen gworfen und des Vorhobn wor sche /
Danke für’s Gespräch, ihr vastehts ned mei Idee /
Geschweige denn mei Vision, oiso kennt’s jetzt wieda geh /
I mochma des scho söwa und richtmas wie is brauch /
Allanig bin i bessa drau, do gehts sichalich Berg auf /
Ah wenn’s oft mehr Orbeit is, doch des schupf i scho söbst /
Es mocht da oft ka aundara, oiso do it yourself /
Hook - 2x:
Verse 2:
Musikalisch wor’s oft nie aundas, die letzten fuchzehn Johr /
Da Aunsporn wor scho immer do und die freshen Hooks im Ohr /
Scratches, Loops and more - i wor do autodidakt /
Und für mein Wissendurst wor i bei Leit laufend im Knack /
Von doher stimmts scho, ma is ned oiwäu auf si allanig gstöht /
Doch um’s zu forcieren, bin i imma in meina Blosn, dass mi kana quöht /
Ob Studiozeit, Beats und Rhymes, Booking oder Marketing /
Bin i genauso tiaf bei Videos, Promo und ah Grafik drin /
Dinge di kana siacht und mir ka Mensch ned zoit /
Und daun kuman Leit zum Merch und frogn “schenkstma des ois?” /
Oft is des wos schmerzliches und ehrlich oft a Härtetest /
Kunst aus ana Haund wird nu imma zwenig wertgeschätzt /
Doch i moch weida wie bisher und lossmi do ned untakriagn /
Des kaun ma kana nehma, denn i muass’ weida pumpan gspirn /
“I hätt an bessan’ Tipp?” Geh sog nix und reiß oh /
Mit dem Haundtuach wos du gworfn host wisch i glei mein Schweiß oh /
|
||||
3. |
Afoches Rezept
04:01
|
|||
|
Hook:
Jo do sing ma olle mit - so afoch is des Rezept /
Olle Händt san in da Luft - es wird de Hittn jetzt gsprengt /
Richtig Voigas gemma heite - ollas schwitzma ins Hemd /
Olle Glasln in di heh, wo san die trinkfesten Fans?
Jo do singma olle mit - so afoch is des Rezept /
Olle Händt san in da Luft - heite zittan de Wänd /
Richtig Voigas gemma heite - oiso springt’s auf de Bänk /
Wo san de Dirndl, wo de Buam ohne Intelligenz?
Verse 1:
Traditionen ghern hoid pflegt und do mocht die Masse scho mid /
Neman‘ Bühnenoutfit, san die Texte ah nu so afoch gestrickt /
Floch und seicht is des Motto, wie bei jedem Schlogahit /
Wie ah Prolotrip im Trochtenwichs, bei Stroboblitz und Kronehit /
Ohne Witz, olle woggelns dicht und Fett wie Obelix /
Und passt nix mehr in die Blosn? jo daun wird fix am Boden gschifft /
Kaum nu grodn Blick, doch glei wird de nächste Floschn zwickt /
Do geht eicha Herz auf - bei Freibier und Blosmusik /
Do wird bis vier zöht und wenn si ana moi auf’d Fiass stöht /
Daun nur mit rot weiss rote Fahen, muatsdrumfett im Bierzöt /
In eicham heiligen Laund, do föht da feine Vastaund /
Wäu da Horizont ned weida reicht ois zur Heirigenbaunk /
Egal wos is, aundre Kulturen oder Hautforb und Slang
Ois is jo a Schaß und so Orsch wos da Baua ned kennt /
Eicha nedvorhaundana Weitblick der is nur kurz und knopp /
Lautstork singan’s glei wieder mid, wie de Kollegen bei da Burschenschoft /
Hook
Verse 2:
Soiche Werte ghern hoid pflegt und do mocht die Masse scho mid /
Neben da Playback-Show herst daun ah nu massig rassistische Witz /
„Weibaleid geh her, wo bleibt da Spritzer wos is?“ /
Er ziagt weida a finstares Gfriss mit seim Schnitzel am Tisch /
Kummst erna amoi deppat, daun gibts gleich ane auf die Batterie /
Egal ob im Zötfest, am Orschloch-Kirtog oder Apres Ski /
I packs echt nie, denn wern die Ledahosn enger gschniat /
Daun hast’s ned nur Berg heil waun da Entzian bliat /
Vo Nochbar zu Nochbar, san oft scho die ärgsten Grenzen am Start /
Leit werdn jo scho stutzig, wenn amoi a fremdes Kennzeichen parkt /
„Wos is’n jetzt los, wos mocht’n der in unsra Gegend do?“ /
Und scho kumman die Vorurteile, nur dassma wos zum reden hod /
Ewig schod, ma kunnt jo sowas amoi aundas segn /
Offen und freindlich die Haund aufhoitn, ned nur bei seim Staummgetränk /
Doch i was, a blede Goschn trickat schnö aus und da Durscht is groß /
Glei schreien’s wieder laut, wie die Bsoffenen am Fuasboiplotz /
Hook
|
||||
4. |
Kana Was
03:49
|
|||
|
Verse 1:
Es is fünfe in da fruah und dei Wecka der Leit /
Dei miese Stimmung sogta glei, dass di jetzt scho ned gfreit /
Die tägliche Routine is da scho zu ätzend und seicht /
Schaust jeden Tog nur wie’s varinnt und hoffst auf a bessare Zeit /
Leerlauf, Wochkoma, gaunz egal wiema’s nennt /
Jo du wast scho dass rennt, wauma den Wahnsinn vadrängt /
Seid an Zeidl wirkt ollas auf di, auf amoi so fremd /
Warum di vo deine Leid und dei stumpfe Ort kanna mehr kennt /
Ois is schwammig um di und du host kaum Plotz zum aufsaugen /
Es wird aufbrausend und dei Kopf braucht scho Rauchpausen /
Es is die Lost aun dir söbst, es geht um Job und Göd /
Die Lethargie schofft automatisch Hoss auf die Wöd /
Doch wos passiert? wemma da moi foigende Frogen stöht /
Waun zum Beispü in deina Karriereleiter amoi a Sprossen föht? /
Wos zöht? Vielleicht am Schreibtisch dei Sprengkroft? /
Oder eher die Balance diest’ durch dei Talent host? /
Du bist am Engposs, doch der kaun wieda brada wean /
Und a Gloshaus kauma wieder picken mit nur klane Scherbn /
Wieder Lichtblicke ortn, die ma scho länger im Herzen trogt /
Und so eigene Spuren setzt und si nimma unterwerfen losst /
Hook - 2x:
Kana was wos passiert und wie laung’s nu geht /
Ram die Hürden und dein Frust endlich aus’m Weg /
Ziags durch, moch dei Ding, wenn dei Traum nu lebt /
The world is yours - solaungs nu steht /
Verse 2:
Du host die Schnauzn voi vo Stereotypen mit Monotonie /
Vo Aunzugträger, Daumpfplaudara und der Bobopatie /
Vo schlechte Führungskräfte und de wichtigen Doddln des gibt /
„Eich schick i numoi zum Spotenstich für an Probebetrieb” /
Ka Lob, nur Kritik - jo, dir stehts bis zum Hois /
Warum Umsätze steigen miassn, während menschliches foit? /
Doch wenn die soziale Ader plotzt, kummt dei Rettung scho boid /
Widmest die wieder da Kunst, wo du lächelst und stroist /
Wo’s da ned die Sproch vaschlogt und nix auf’n Mogen schlogt /
Du gornix zu beklogen host und ois an roten Foden trogt /
Ohne Leistungsdruck, mit neiche Weichen am Zug /
Kummt so a Schöpferkroft aun’s Togeslicht, die seinesgleichen sucht /
Mittlerweile checkst, dass ah mit Leichtsinn grooved /
Und sitzt liaba im Atelier und host vom Schreibtisch genug /
Life is good - und dei Vision wird spruchreif /
Wos ois geht, wenn für die Haundschrift endlich wieder Luft bleibt /
Ausse aus dem Dunstkreis und Gegen die Norm /
Denn da schlechte Einheitsbrei ist da zu regelkonform /
Schaust liaba über’n Töllaraund und füllst die Lücken mit Sinn /
Und mochst stürmische Zeiten zu an nochhoitigen Rückenwind /
Hook - 2x:
|
||||
5. |
MC Imaginär
03:30
|
|||
|
Hook - 2x:
Hey bist du ned der, MC Imaginär?
“Wer?” Na ma kennt di doch von irgendwoher /
Du bist der aneüber den die gaunze Szene so spricht /
I hob scho vü von dir ghert, denn du bist ah Thema für sich /
Verse 1:
I hob scho sovü von dir ghert, doch nie an konkreten Naum /
Herst du bist doch der ane Typ mit den schensten und besten Frauen /
Da lässigste, da Beste in Town, vo Enns noch Traun /
Ana von denan, de fette Kohle, Klunker und Monenten haum /
Doch deine Gegner manan immer, du so host wenig Vastaund /
Dei gaunze Seele sei kraunk und du mochst elendigen Sound /
Her besser moi auf, du unlustiga und oberflächlicha Clown /
Des hod scho oft die Runden gmocht, du muasstas jetzt amoi glauben /
Jeder disst di bis aufs letzte und droht da mit Schläg /
Jeder wünscht si sehnlichst, dass du klanes Opfa ned lebst /
Si sogn, du bist die gresste Floschen do am gaunzen Planet /
Und die meisten behaupten, dass sogor mit deiner Tochter wos geht /
Und dei bochana Schmäh, der sei unfossbor und bled /
Se kennt’n dass richtig eihaun, wenn dei blede Goschn moi redt /
Du kaunst echt froh sei, dass si üwahaupt dei Offenkopf nu bewegt /
“Echt? I hätt nie gmerkt dass mi des je augsprochn häd?!” /
Hook - 2x:
Verse 2:
Ungsunde Egos, stumpfsinnige und hirnrissige Failmoves /
Noch drei Gigs und 5 Likes, glaubta er is a bissl Famous /
Friara wora in da Baggy, heite siacht man in da Hipster-Jean /
Nix mehr gspirn, in da Birn, Crystl ziagn - Pflichttermin /
Sprengt kaum an Rauhmen oder erweitert wie Nitroglycerin /
Allergische Reaktionen foign, wie bei Histamin /
Marketing - Spitzenteam, Skills beim super-dope mceen /
Doch so oft is unverständlich wie des Hubverbot in Wien /
Nah mean? Da nächste prallt mim ersten faken Plottendeal
Der ane schockt skurill, der aundare mochts mit zuvü Popappeal /
“Ollas real, wos glaubst’n denn, nix inszeniert und aufgsetzt” /
Do samma scho moi gspannt wos sei Hirngespinnst nu draufsetzt /
Mausklicks - zaumkafft - Abonennten - en masse /
Höhenflug im Staundgas, doch Qualität vadaumt laff /
Doch er hod di dicksten Eier und di schärfsten Woffen parat /
Loss afoch urdentlich weidaroin, i man beim Toschenbilliard /
Hook - 2x:
|
||||
6. |
Miassn
02:56
|
|||
|
Verse 1:
Jeden Tog hert ma die Tipps, Empfehlungen und Rotschläge /
Olle hoidens grossen Reden nerviger ois die gaunze Popszene /
Egal ob Kultur und Wissen, Reise oder Togespläne /
Ignoriert ma des, host oft schnö a üble Nochrede /
Ah schlechte Phase segn’s, doch se kennan’s schwa vasteh /
“Probier moi Yoga zum Ausgleich oder geh den Jakobsweg” /
Netter Vasuch, doch kana was wos ned funkt und föht /
Find i mi nimma söwa daun google i mi söbst /
“Na Se woinma jo ned dreireden”, owa si dans doch /
Jedesmoi steigtma’ des unguad auf wie domois de Glaunzstoff /
Wirklich, i muas nix ausser sterbn und scheißn /
Irgendwie stimmts jo, si woin di nur belehren und weisen /
Mit esoterischen Weisen, “so wirst wahrlich ah bessera Mensch” /
I brauch ka höheres Wesen, für mei klane Existenz /
“Check den freshen Trend und bleib ned steh” /
Doch Weiterentwicklung hast ned immer mit da Zeit geh /
Hook - 2x
He wos is, wos soi der Shit, i hob ka Pflicht /
Danke für die Tipps, doch i muas nix, oiso loss den Mist /
Verse 2:
“He i mog dei Mucke, doch die oiden Zeiten wan’ ma liaba” /
He i bin ned steh blieben, oiso vagleich mi ned mit friara /
“Du kenntast vü bekaunta sei, doch du spüst ned gnua” /
Vielleicht interessiert’s mi ned und i bin ned da Typ dazua /
De nächste kummt mit Musikwunsch, zu mei DJ-Set /
“Bitte spü den an Song, daun wird die Party wieder richtig fett” /
Während olle bouncen, sowas wundert mi enorm /
Labert mi ned voi, i hob wortwörtlich genug um die Ohren /
Flucht noch vorn - i hob dei Denkweise kapiert /
Doch loss den Dreck bei dir und kehr vor da eigenen Tir /
Olle wissen’s besser, doch haum kan blossn Schimma /
Ziagn den Stock ned aus’m Orsch um übern Schotten zu springa /
Ihr kennts eich echt die meisten Meinungen schenken /
I loss mi vo Leid ah ned stressen und kaun Entscheidungen treffen /
Nehmts eich aun da eigenen Nosn am Sitz vom hohen Ross /
I schau eich nu beim Höhenflug zua, bis’ fix am Boden krochts /
Hook - 2x
|
||||
7. |
Kortnmisch
03:43
|
|||
|
Intro:
Reserven san aufgebraucht, ma’ is so ausgelaugt /
Ma’ kennts doch, wenn da Lauf moi im Staub vasaut /
Nix is greifbor, wäu ois nur im Saund valauft /
Doch glaub ma, boid is aus und es taut boid auf /
Verse 1:
Du trogst schware Lostn, drum kane leichten Zeiten /
Ständig auf da faulen Haut, nur in da gleichen Schleifn /
Du kaunst da grod nix erklären, geschweige denn leisten /
Ois passt ned zaum, es is fad und meist zum scheißn /
Motivation gleich nui, niedagschlogn und kroftlos /
Dei Umföd is rätselhoft am Frogn: “Wos is bloß los?” /
Dei Luft is draußen, fühst di beschmutzt vo außen /
Du bist miad vom Haumstaradl, vom “es muss so laufen” /
Vom Druck, vom Kaufen, da Flucht vor dem gaunzen /
Gherst eindeutig zu de, die ned den Luxus brauchen /
Bist aungwiedat vo Leit, de tiaf im Konsum eintauchen /
Owa die Foign ned segn, außer für Ruhm fein vakaufen /
Du hostas im Blick, doch loss die Trotteln links liegen /
Konzentrier die auf die söbst, loss ned Hoffnung ned vasiegn /
Ma muas ned ois vasteh, wos Menschen tan und Leit schoffn /
Loss die davo ned treffen, es wird zeit zum freimochn /
Hook - 2x:
S’Leben is a Kortnmisch der des Schicksoi bestimmt /
Und kana was genau wöche Richtung es nimmt /
Ob’s Schotten auf uns wirft oder Licht zu uns bringt /
Ob Berg oder Toi, es braucht nur frischen Wind /
Verse 2:
Wie schauts aus, gehts scho um a Eck bessa ois früha? /
Spriesst scho wos bei dir, wie Schneegleckal im Frühjohr? /
Beschäftigt di ois nu immer oder stehst afoch drüwa? /
Geht’s Fassl scho wieda über oder streckst deine Fühler /
Liaba weit noch oben, suchend im breiten Bogen /
Und haum si seit dem Prioritäten positiv weit vaschoben?
Gspirst des geistige Wohl, den frischen State of Mind?
Der die aus’m Elend befreit, dir des a wenig beweist?
Dass die nix ausm Leben reisst und aus da Ruhe bringt /
Wäu die Leidenschoft wos nices schofft, jedes Tun gelingt /
Wo ois funkt und rinnt, ois is smooth und stimmt /
Makelloses Dosein, wemmas genau untad’ Lupn nimmt /
Du nimma in da Buden vasinkst und wieder Frischluft schmeckst /
Beim Ein und Ausatmen checkst, “des is richtig fresh” /
Wennst wieder jeden Zug genießt, dei eigene Schiene fohrst /
Und du sogst, egal wo i bin, es is heit mei Lieblingsort /
Hook - 2x
|
||||
CHiLL-iLL Sankt Pölten, Austria
MC, Producer and DJ since 99, from Linz/St.Pölten - Austria/Europe.
Antrue & Chill-ill - L.A. 2 L.A. - Out Now - Digital & Vinyl!
New Website:
www.chill-ill.at
If you like Aunka Des Lebens EP, you may also like:
In Bewegung
by Dynamic Drift (CHiLL-iLL & DaskOne)
supported by 5 fans who also own “Aunka Des Lebens EP”
go to album
Solodarität (2019)
by Monobrother
supported by 5 fans who also own “Aunka Des Lebens EP”
go to album
Maasnbriada
by BumBumKunst & Skero
supported by 5 fans who also own “Aunka Des Lebens EP”
go to album
Cost of Living
by Apollo Brown & Philmore Greene
featured on Bandcamp Radio Oct 7, 2022
go to album
Can't See Myself / Mo' Gems
by Woxow
featured on Bandcamp Radio Jul 2, 2021
go to album
SARDINES
by APOLLO BROWN & PLANET ASIA
featured on Bandcamp Radio Jul 28, 2023
go to album
supported by 5 fans who also own “Aunka Des Lebens EP”
One of the best german hiphop artist. Dope collaboration with nottz.
go to album
