HOOK
Wir olle sitzen im gleichen Boot /
Vom Startschuss Geburt bis zur Scheidung Tod /
Nu immer kämpfen Menschen für ah Scheiben Brot /
Es föht uns an nix - doch die Vateilung scho / 2x
VERSE 1
Kauma wer sogn warum, wo is die Hoffnung begroben /
Oft draht‘s ma‘ den Mogen scho um, bei den offenen Frogen /
Waun kummt da große Sprung, da entscheidende Punkt /
Dass die gaunze Erdn sogt, es gibt für Leiden kan Grund /
Waun die Heilung moi kummt, bleibt a Rätsel für sich /
Orme Länder werdn untenkoitn, se haum die Fäden im Griff /
Es braucht wesentlich Gegengift, dass des Elend ned gibt /
Doch während i red und do spitt, sterben Menschen neben uns weg /
Sie leben im Dreck, neben Hundekod und Hungersnot /
Wossa is a Sötnheit, denn oft san die Brunnen tod /
Wochsn auf ohne Büdung, aungwiesn aun‘s Blutdepot /
Bei denen gibt‘s kan Stundenlohn, kana bleibt durt unvaschont /
Durt steht Korruption und ned Gsundheit oben /
Warum sterben Johr für Johr a Menge Leit und des Millionen /
Für uns is ungewohnt, doch es is olle drei Sekunden so /
Und wir sudan und sitzen dawäu fein mit Kuchen do
Hook
Die Kluft wird immer greßa zwischen Orm und Reich /
Die Grautöne immer dunkler, zwischen Schworz und Weiß /
Immer mehr Büda voi mit Sorgen und Leid /
Doch i was, dass der Hüfeschrei und die Wornung ned reicht /
Täglich vor unsern Augen, a besorgte Botschoft /
Wieder Bomben und Aunschläge vo ana storken Großmocht /
Malaria und Aids neben Mord und Totschlog /
Währenddessen Flüchtlinge, wo‘s kana aus‘m Boot schofft /
Bewoffnete Konflike die ka Lösung erklären /
Vateilung funktioniert wie‘s scheint nur beim Öl über‘n Meer /
Investoren die Flächen töten, ois plätten und wözn /
Und die Preise steigen aun, während Gletscha schmözn /
Orbeit kaum vorhaundn, nu weniger Ressourcen /
Bevölkerung wird hecha, mehr die elendig vadurschtn /
Mei Aunliegen, mit Gleichgwicht dagegen setzen /
Denn wos wir täglich entsorgen, kaun wo aundas Leben retten