10. Mei Weg
Musik: Siegfried Gansch • Text: Siegfried Gansch • Bass: Martin Baumgartner • Cuts/Scratches: Siegfried Gansch
Chorus:
Mit dem Blick aufs Wesentliche und Pläne vor Augen /
Geh i mein Weg positiv mit Up’s and Down’s /
Nutz meine Stärken und loss wenig Chancen steh /
Und „walk my way“ /
I kost Höhenflüge aus, nimm Niederschläge in Kauf /
Und geh mein Weg positiv mit Up’s and Down’s /
Nutz mei Zeit, dass sinnvoi da Tog vageht /
Und „walk my way“ /
Verse 1:
Und i geh erm, ah wenna hoiprig is /
Wäu da’s Leben oft Foin stöht und ma stoipat mit /
Oder knickt ei und des Gewicht steigt /
Ma hod ka Kroft mehr, Erschwernisse und für nix Zeit /
Schlogt wie a Blitz ei, des kaun an fertig mochn /
Vakroft ka Seele ned, des kaun ka Körper schoffen /
Daun hasts Balance finden, ois lebenswerter mochn /
Und i söbst werd auf meine seelisch-heilenden Wörter hoffen /
Und mei Zü vafoign, danoch streben und festhoitn /
Weida Sinne entfoitn, leben und mein Weg gstoitn /
Tua wos mei Herz sogt und mei Geist glaubt /
Vatrau auf mei Gfüh, auf den richtigen Kreislauf /
Trotz der Schottenseitn, wos ob und zu des Leben wirft /
Loss i mein Kopf ned hänga, ah wenns oft mei Schädl gspirt /
Im Endeffekt gehts ma um a gsunds und frohes Leben /
Bleib positiv gstimmt und geh so mein Weg /
Chorus
Verse 2:
Und i geh erm, vasuach erm richtig zu lenken /
Bleib fokusiert auf da Streckn, zu den wichtigen Essenzen /
Zu stimmigen Menschen, die ähnlich Empfinden und denken /
Geh mein eigenen Pfod und hob so mei Schicksoi in den Händen /
Wü nix zu verschwenden, werd Möglichkeiten nutzen /
Lossma nirgendswo dreireden und vo Blödheiten lumpen /
Bin liaba unten, mit guade Leit und Gleichgesinnten /
Denn vüle spün mit foische Kortn, mit scheiß gezinkten /
Ehrliche Freind san sötn und ned leicht zum finden /
De dei Einstellung schätzen, die Sichtweisen blicken /
Deswegen schau i genau wos mi umgibt und prägt /
Und wos mi positiv beeinflusst nimm i mit am Weg /
Wo i dahinter steht, wos auf mi wirkt, mi belebt /
Weggefährten de werken, wos mi fasziniert und bewegt /
Wo neiches entsteht, wenn si Leit richtig vanetzn /
Und ned in oide Spuren steigen, sondern frische setzn /
Chorus
Verse 3:
Und i geh erm und schau weida noch vurn /
Her auf mei innere Stimm, bleib auf da eiganen Spur /
Meisten gehts grod aus, doch ob und zu ah voi noch hinten /
Doch meine Staundpunkte bleiben, wie mei Woibefinden /
Hauptsoch ned stehbleiben und irgendwie am Weg bleiben /
I denk des is da Schlüssel zu glücklichen Lebzeiten /
Und kumm i ob vom Kurs, daun is längst aun der Zeit /
Dass wieda wos weidageht, wos wächst und gedeiht /
Am besten jetzt glei ohne stressige Leit /
Und füh i mi eingeent und eigsperrt, daun kämpf i mi frei /
Denn gelegentlich sitzt ma fest, draht si ständig im Kreis /
Und daun wirds hechste Zeit, dass ma si vo Ängste befreit /
Suach mi wieder söbst und faung wieder moi zum Leben au /
Denn es gibt sovü Chancen, wos an sovü geben kau /
I denk so ghert ma zu denan, de in Weg sicher gengan /
Wäu’s ned auf aundare schaun, sondern wissen wos stengan /