VERSE 1
I wort scho länger auf di, doch du tauchst ned auf / Bist du sovü beschäftigt, wäu di dauand wer braucht? / Mog scho sei, doch waun steh i bei dir auf deina Listn? / Du zagst ka Reaktion, du losst mi leider nur sitzn / Sog moi merkst du des ned, wie schwer's um mi steht? / Des is ka Scherz und ka Schmäh, i man's ernst wos i red / Gaunz Ehrlich, waun host du mi zuletzt untastützt? / Laung is her, wäu mi die Muse seither echt nimma küsst / Du foistma in Ruckn, doch des is ned dei Aufgob / I frog mi echt waun i bei dir amoi die nächste Chance hob? / Es is kraumpfhoft, wäu's scho laungsaum Aungst mocht / Wäust mi noch Aunschein noch auslosst und ned ausm Haus lockst / Di ausm Staub mochst, wenn's um mein Aunstoss geht / Du wüst auf kan Foi, dass si mei faule Haut bewegt / Wirklich, i hoff boid is Schluss mit da Wortarei / I man's ernst, bitte gehma ned am Orsch vorbei /
HOOK
Servas Orschtritt, sog wo bistn, wo bleibstn? / Es wird Zeit mi gscheit aus'm Tiefpunkt zu schmeißen / Wos treibstn? I brauchat dein Support / Denn i muas endlich wos leisten und zwar glei, sofort / 2x
VERSE 2
Nimm mi beim Wort, zag wos du zu bieten host /Und zwar mit Riesenkroft ohne dast mi links liegen losst / Sicha doch, i bin ma sicher dastas sicher schoffst / Mi ned sitzen losst und dei Ausführung richtig mochst / Doch du glaubst, dass des Vorhobn bei mir scheitern wü? / Auf wos wüsstn wortn he, es steht die Zeit ned stüh / Du wastas doch genau, bei dir is Fleiß des Zü / Für di is a leichtes Spü und a befreiendes Gfüh / Oiso wirds boid? Mir is egal mit wiavü Druck und Gwoit / Hauptsoch is, dass mi demnächst nix mehr unten hoit / I hob echt kan Plan warum du di so zruck hoitst / Warum du afoch ned aufstehst und nix in die Luft schnoizt / Wos is los, san da de Fiaß eingschlofn? / Oder denksta afoch nur: „Jo der wirds scho schoffn" / I brauch echt dei Hüfe, bitte loss mi ned im Stich / Zagma die volle Leistung und wie fest du triffst /
HOOK
VERSE 3
Warum nimmst mi ned wohr und bist ned auf meiner Seitn? / Vo dir kummt nix, ned amoi a leichtes Zeichen / Ka Deita, ka Schubsa, i bin wirklich entteischt / Wäustas ned gspirst und siachst, wie schirch i entgleis / In dieser schwierigen Zeit zöhl i immer auf di / Doch noch oll der Zeit glaub i scho wir finden uns nie / Bitte gib da doch an Ruck und loss di bei mir blicken /
I dad mi gfrein wenn i di siach und deine Beine mi kicken /