18. Wie I Bin feat. Mirac
Musik: Siegfried Gansch • Text: Siegfried Gansch, Sebastian Watzinger • Keys/Rhodes: Riho Hayashi • Cuts/Scratches: Siegfried Gansch
Chorus:
I bin wie i bin, bitte nimms so hin /
I was es mocht für di kan Sinn und es is so schlimm /
Doch bin’s i oder du der mei Leben bestimmt? /
He i was es is schwa und dass ned jeden gelingt /
I bin wie i bin, bitte nimms so hin /
I was es mocht für di kan Sinn und es is so schlimm /
Doch bin’s i oder du der mei Leben bestimmt
Bitte siachs amoi ei, i bin ned jeden sei Ding /
Verse 1:
Stimmt, bins i oder du, der mei Leben bestimmt? /
Suach i des Gespräch, kummtma vor i red gegen den Wind /
Ois proit aun dir oh und ka bissl kummt au /
Du bist so stur, wos kaun des bloß für an Hintergrund haum? /
I bin a glicklicha Mau, wie i mein Weg leb und geh /
Sogma wos moch i foisch, wos is do ned ok? /
Mit wos kummstn ned klor, mit meine Föhla und Schwächen? /
He i was scho wos i tua, i kenn mi söwa am besten /
Stimmt, du host ka Auhnung wer i eigentlich bin /
I hob söwa gorka Auhnung wos i meistens empfind /
So scheiße ah’s klingt, des is mei Verteidigungssinn /
I werd immer der Typ bleiben der Geheimnisse bringt /
Söbst wenn du meine Reime verschlingst /
Bleib i ah vaschlossanes Buach, wo du leider den Eigaung ned findst /
Du bist einfach zu blind, glaub ned das streiten wos bringt /
Moch dei eigenes Ding, wir san zum scheitern bestimmt /
Chorus
Verse 2:
Stimmt, du sprichst Bände, i sprich in Rätseln /
In ana dir unvaständlichen Sproch wie Chinesen /
Du kaunst mi mit Fäustn schlogn und mit Fiaß treten /
Doch mi zum reden zuzwingen, is sowie mi zu knebeln /
Loss mi geh mit meine Eckn und Kanten /
Hättst da deine eigenen ned gstaundn, hättma uns ah bessa vastaundn /
Bin da letzte der si ned vasetzt ind’n aundan /
Doch wos du denkst is längst ned vorhaundn, wir treffen auf Schraunken /
Es wa nett, doch du labast Dreck bei jedem Standardgespräch /
Wos nur schlecht um dei Freindin oder Hawara geht /
Konstruktiv warads nett, du bist wahnsinnig echt,
Sprichst über jeden so, daun stehst boid allanig im Eck /
Host Gerüchte ghert, i sei mit jeder Dame im bett /
Kaun sei dass die mei Denken und Haundeln in Panik vasetzt /
Wie wa’s mit dem, vielleicht kumm i mit der ah ned zrecht /
Du denkst vielleicht wir san ähnlich? Doch des samma ned /
Chorus
Verse 3:
I wü mi gorned obgrenzen, doch kaun da leida ka Kroft schenken /
Dir Schutz gegen Niedaschlog geben, sowie Dochflächen /
Bin liaba autonom und isoliert wie Nochtmenschen /
Soitma Ziele ind’n Kopf setzen, doch mochs sötn /
I wü ned drüber nochdenken, es tuad ma lad i muas mi oblenken /
Sunst werd i wieda zach sowie Nochtschnecken /
Du muasstma Spüraum lossn, hob a Menge geplant /
Ey vagiss ned, i bin Löwe und obhängig von kan /
Wird Zeit dast einsicht zagst, ned liegst, mi akzeptierst /
I hobs grafft und gspirt, dass nie passt und wird /
Wü ned wissen wost wast in dir oder fantasierst /
Wir san wie Schworz und Weiß, wos kontrastreich wirkt /
I Bin wie i bin und was wos i wü vo mir /
Wos mei Gemüht so siacht, a schlechts Büd von dir /
I hob wenigstens Visionen, a guads Gfüh und Gspir /
Vagiss ned i bin ah Schütze, i hob mei Zü im Visier /
