Verse 1:
Es is des diggen aunsich und des stöbern danoch /
Ob i eher frischeres suach oder noch ödarem grob /
Umso öfter is moch, umso tiefa launden die Finger /
Somit wird weida gwühlt in den staubigen Dingern /
Plottenhaufen werdn dinna, laufend und gschwinda /
Später ins Haus, daun ins Zimmer, durt bin i laufend am triggern /
Des Interessante, wos is bei dieser Staubschicht dahinta?
Aunlog auf, Nodel drauf, irgendan Sound fint ma imma /
I tauch tief wie immer, mit voller Konzentration /
In meiner Nähe bleibt ka Track und Plottntoschn vaschont /
I sample den Stoff, den rohen, daun wirda klopft der Ton /
Daun da fertige Beat mit Cuts und Strophn belohnt /
Dope wie gewohnt, staubig, ruff, rugged and raw /
Egal wo, jederzeit brauch i soiche Takte im Ohr /
Denn i bin in der Materie zu hundat Prozent /
Und grob tiefa und tiafa, wie Manuva und Twang /
Chorus:
Egal ob Jazz, Funk und Soul, i sample den Sound /
Und meine Finger bleiben staubig, dreckig und rau /
Breaks und Loops vo Vinyl, CD oder MP3 /
Meine Finger bleiben staubig, wäu i sample den Scheiß /
Egal ob Reggae, Blues und Klassik, i sample den Sound /
Und meine Finger bleiben staubig, dreckig und rau /
Rare-Grooves vo Vinyl, CD oder MP3 /
Meine Finger bleiben staubig wäu i sample den Scheiß /
Verse 2:
Häng i moi aun da Nodel, daun gibts ka Wochend mehr /
Wäu’s vorkummt dass i zwa Tog suach, nach ana krochenden Snare /
Und es kaun passieren, dass i zum Trinken und Essen vagiss /
Ned wäu Scheine winken, sondern umso freshere Beats /
Die Texte san deep, wie meine Finger in Plottnkisten /
Ollas muas in meine Ohren, i kaun kane Sochn skippen /
Ned am Rechner die Datei oder’s Vinyl am Plottenspüler /
„Oida wos genau?“ Rares Zeig und Plottn vo früher /
Bei wenig denk i ma: „do moch i gach moi an bogen“ /
Denn i grob weiter bis i fündig werd, wie Archäologen /
Bin weiter auf der Suche noch Breaks, Cuts und Loops /
Egal ob ruff und smooth, i brauch den Takt und Groove /
Des is mei Hab und Gut, diese gefundenen Schätze /
De für mi mehr Ausdruck liefern ois die Boulevard-Presse /
Apropo Ausdruck liefern, mei Haund is am ziddan /
Sprich i muas wieder Beats bauen und des mit staubigen Fingern /
Chorus
Verse 3:
I bin obhängig davon, ohne chemisches zu checken /
Bau eher mehr mit Samples, aunstatt synthesische Flächen /
I brauchs ständig und immer, bin wirklich süchtig /
Noch dem diggen und dieser unquantisierten Rhythmik /
Die Drums san hoiprig, brüchig, i kaun nur soiche Tracks baun /
Deswegen mog i Leit wie Dilla oder Kev Brown /
Pete Rock, Marco Polo, Grapluva, 9th Wonder /
Alchemist, Ayatollah, DJ Babu und Honda /
Illmind, M-Phazes, Large Pro, Nujabes /
Ned nur de, ah die Locals bei uns de san superfresh /
Digga Mindz, Skizzo, Honeycut, Loco und Tactik /
N-Jin, Brenk, Flip, Brix und Mono Massive /
DBH, Kartal und Whizz Vienna /
Chrisfader und Testa, ihr seits sick am Sampler /
Ob auf MPC, Pro-Tools oder GarageBand /
Hauptsoch da Sound is staubig, is ehrlich und brennt /
„Do is jo wer ned im Trend?“ Na und, des is da Sound den i lieb /
Deswegen grob i weiter am Flohmarkt trotz Stauballergie /
Trifft hoid eher mein Gschmock, wie gsogt dreckig und ruff /
Und wos auf jedenfoi ned föhn derf san Scratches und Cuts /