Verse 1:
Es is ka Wunda, dass si öfter bei mir Skepsis breit mocht /
Wenn i auf leeren Inhoit stoß, bei Texte einschlof /
Es gibt nur weniges wo i ma denk: „fresh und geil gmocht“ /
Oft wird nur Einheitsbrei kocht mit an schlechten Beigschmock /
Hod kana mehr Zeit, warum föht textliche Leidenschoft?
Wäu jeder glei ois droppt, es stressig und eilig hod?
Nix wird überdocht, wosma durchs stetige Schreiben sogt /
Scheint eicha Zü is: „wie kriag i ladys und am meisten probs?!“
Genau des is da Punkt, so wirds echt gfühlos /
Vielleicht da Grund warum Hip-Hop noch außen a schlechts Büd hod /
Zühlos werdn Parts gschrieben ohne echtes Vaständnis /
Ohne Skills, wie a Writer der nur schlechte Tags setzt /
Mir drahts in Mogn um wenn i auf soiche Strophn kumm /
I geh dem ausm Weg und moch an großen Bogen drum /
Doch warum wegschaun, wauns ihr de Sproch misshaundelts? /
Löschts die SMS oder mochts wos aundas /
Chorus:
Heitzutog wird vü vo Oberflächlichkeiten bestimmt /
Doch i schwimm do ned mit, wäu ma biten nix bringt /
Bevor i nutzlos kopier moch i mei eigenes Ding /
I wü ka kurze Nochricht senden sondern Schreiben mit Sinn /
In den meistn Zeun, do is nix geistreiches drin /
Vüles is stumpf, wü gorned sogen wie scheiße i’s find /
In dem Radl wos ihr seits, do bin i leider ned drin /
i wü ka SMS senden, sondern Schreiben mit Sinn /
Verse 2:
Wiema bemerkt, find is schod und mir geht so einiges oh /
Es scheitert ned nur an der Schreibweise, ah aun timing und flow /
Ihr kennts nur einheitlich flown, die Reime san tot /
Da lyrische Aunsatz nur kopieren, sprich a peinlicher Klon /
Bin jo scho einiges gwohnt, an Haufen bledn Stuss /
Dass des junge Leit ernstnehman is eich glaubi ned bewusst /
Bei eich stimmt die Höfte ned, foisch, sicher weniga /
Es san nur zwa prozent, wie bei Wikipedia /
Es Legasthenika, ihr seits zu blöd für’n Morkt wie Media /
Des bedeit hoid wenig Spaß, live redst nu ewig Schaß /
Ewig zach, ewig fad, a Kras der si ewig zaht /
Vo Talent ka Spur, wäu si ois um Entertainment draht /
Ois wird ähnlicher und des hod si längst bewehrt /
Aunscheined is Message und Ausdruck ka Cent mehr wert /
Wäu i kan Tiefsinn entdeck, ka bissl Wortwitz erkenn /
Wos ihr mochts is ned mehr ois a short-message-send /
Chorus
Verse 3:
I kauns nur mit Ingoranz bestrofen, stöh i mit entsetzen fest /
Ah beim letztn Fest, wors trotzdem nur a SMS /
Wo san die Messages, die wenigen letzten Heads? /
Die auf Standardthemen scheißn wie Saufen und schlechten Sex?
Mir gibts an Stich, wie ana Haund im Wespennest /
Des is dei bester Text? Sorry, mi fesselts ned /
So a whacka Track, es gibt besseres und fetteres /
Wa bessa wenns an Rapper checkts, der echte Sätze flext /
Denn do is HipHop im Herz, bei eich im Genitalbereich /
Do san bei Liveshows on point, redn ned ewig Schaß am Mic /
Setzen Metaphern tight, Ausogen zwischen de Zeun /
Klana Tipp, ihr kenntats do nu bissl draun Feun /
Hauptsoche Lyrics bleiben hoften, wie in Sta gmeißelt /
Wie wa‘s mit guade Reime droppen, sinnvoi und ka Scheiße /
Es sendets nur SMS und die Texte san tot /
Gabs den Track auf Plottn, wa’s die letzte Pressung in Not /
