Verse 1:
Maunche kennen des ned oder haum nur Schlechtes erfohrn /
San dadurch kaum offen oder innerlich fest gefroren /
Wos des betrifft, gehts ma guad und i bin bestens vasorgt /
Egal in wechara Form, ihr steigerts mei Lächeln enorm /
Ob des heftige Party’s oder tiefgehende Gespräche san /
Wir schwimman auf da gleichn Wön, füh’ mi selig daham /
Vü losst sowos koid, wir kennans wenigstens zagn /
Denn heitzutog san vüle obgestumpft und überheblich getarnt /
Und ehrlich, die gaunze Vabindung bei uns, die is gigantisch /
Ob ihr neben mir sitzts oder zwischen uns Distanz liegt /
Ihr seids ah Teil von mir und i werds immer zu schätzen wissen /
Ihr seids mehr ois nur Naumen auf irgendana Gästelistn /
Meine Leit san örtlich zerstreut doch gleichgesinnt /
Und des is des wos zöht, mi menschlich erfreut und weit bringt /
I bin glücklich, dass i wohrhoftig so treue Leit kenn /
Des is des, wos i an echten Freundeskreis nenn /
Und Danke Mum und Dad, ihr hobtsma Chancen ermöglicht /
Nehmt sis ned so eng, doch i hob die Pause benötigt /
I brauch mei kreative Zeit wäu’s ma so bestens geht /
Wos vü mehr wert ist, ihr hobtsma Bruada und Schwester gschenkt /
Hobtsmi guad erzogen, nie vawent, immer gschaut dass passt /
Hobts Verständnis für mei Schoffen, es wor oft laut i was /
Ihr seid sis olle wert und i nimm eich imma mid am Weg /
Doch mochts eich kane Sorgen, wir werden uns demnächst wieda segn /
Peace boid /
Chorus
Verse 2:
Oft woit i eich segn und erblicken, owa nie hob is gschofft /
Nie hob i eich ghert oder mitkriagt, doch immer wieder oft ghofft /
Woitat eich Live segn, wos ihr so für Bühnenshows hobts /
Hätt eich gern nu entdeckt, wos ihr Mädels und Typen so mochts /
Hättmi nu gern mit eich untahoitn und tiefgründig gredt /
Leider hob is nimma erlebt, i wor wie immer zuspät /
Hätt auf jedenfoi nu wos gmocht mit eich, vüle Dinge erlebt /
Leider seids ihr von uns gaunga, nimma do, für immer weg /
Hätt mi mit eich nu wo troffen, owa es is nie zustaunde kumma /
Sufurt tat is mochen, tat nuamoi die Chance kumma /
Hättma oft gwunschn und docht, wa ollas aundas kumma /
I hoff eich gehts guad do oben und ihr schauts auf uns owa /
Zum Glick hobts ihr einige Büda oder Werke hinterlossen /
De Dinge lossn mi eichan Tod schwerenherzens vakroften /
I hättma mehr Zeit nehma soin oder ois früher vafoign /
Doch eines Tages segn ma uns nu, nämlich über de Woikn /
Peace boid /