02. Na Danke (I Brauchs Ned)
Musik: Siegfried Gansch • Text: Siegfried Gansch
Chorus:
Egal wie billig oder wichtig oder wos do drauf steht /
Ihr seits aufdringlich, aunstrengend und zwar laufend /
Egal wie guat des is, wos des kau, na i kaufs ned /
I hob ois, mir geht’s guad, na Danke (i brauchs ned) /
(2x)
Verse 1:
Des is jo ollahaund, du bist wieder wie immer top beinaund /
I man jedem des Seine, tua hoit wost ned lossn kaunst /
Owa i wü vo dir kan Wodka haum und ah kan Schnops in’d Haund /
Do häng i liawa am Wossahaun und sporma so in Floschenpfaund /
Gott vadaumt, mir kummt vor, du verwechselst Koks mit Saund /
Spüst damit wie Kinder, vacheckstas nu am Stroßenraund /
Wenn’s so weida geht, daun ziagn die boid de Ochta zaum /
A große Schaund und sowas soi a klane Tochter haum? /
Host ois eistecken, bist ned nur Dealer für Kiffer /
Du rennst den weißen Lines noch, wie a Linienrichter /
Doch du brauchst mi ned auredn, mir am Orsch geh und wos audrahn /
Wäu i wü ma kan zaumdrahn und scho gor nix aundas zahn /
I brauch ned dei Killerkraut, mi bringan kane Pillen in Trance /
Die anzige Droge die i brauch, is und bleibt da Liebesrausch /
Oiso auf Wiedaschaun /
Denn eicha gaunzes Zeig is des, wos i nimois brauch /
Chorus (2x)
Verse 2:
Wos wir ned ois brauchen, des is jo org und schrecklich /
Gaunz egal wo, es is da gaunze Morkt übersättigt /
Bevor sie maunche söbst finden, suachns Glick im Gödrausch /
Und für Produkte schlochtens für eich dick die Wöd aus /
Und des woins uns vakaufen und ois einipressen /
Dass um menschliche Werte geht haums aunscheinend vagessn /
Denn do wird ois probiert, jede Morktlückn gstopft /
Jegliche Mittel benutzt, dass die org fickt im Kopf /
Des san Morktstrategien, de bei mir ned wirken /
I ignorier’s gekonnt und loss mei Hirn ned linken /
I loss mi ned brainwashen von euch mediengeilen Offn /
Leider ändert si nix, ihr bleibts ewig de gleichen Trotteln /
Du hostas ned, de zweite Generation limitiert? /
I hob die Werbung nie gsegn und den Folder eliminiert /
I loss mi ungern manipulieren und vo Werbungen catchen /
De nie Ehrliches schenken und auf fertiges Denken lenken /
Sowas is Voiksverblödung, und vanichtet die Gsöschoft /
I brauch des ned und schau ah drauf wos i mit mein Göd moch /
Denn i scheiß auf Konsumwahn und den neichstn Trend /
I hob Wichtigares mit dem i mei Zeit vaschwend /
Chorus (2x)
Bridge
Verse 3:
Während i mas gmiadlich moch und chillig in da Wiesen penn /
Presst a Plastikgangsta vorbei mit seim geleasten Benz /
Und der Schund den i do her, der is glaub i frisch im Trend /
Wäu’s Bullshit is und zweitens i nix davo kenn /
Und de Schnicks de hinten sitzen, san foische Weiba, ned Frauen /
De Aufmochung ziagt ned, wäu is leider ned brauch /
Ihr hobts mehr Power im Motor und an geileren Sound? /
Doch wos ihr nie kriagts, an Sitzplotz in meine Micra-Mouse /
I scheiß do drauf, brauch ned des beste, neichste und teiste /
„Wir haum a Sonderangebot“ – „es war bessa du schleichste“ /
Begreifs he, i bauch kane Atrappen und eicha Filigra /
De Foin wird ned zuaschnappen, egal wie billig de san /
Ihr werts vo mir ka Kohle segn, ihr kennts mas ned eintrichtern /
Tuad ma lad, i werd’s ma ned kaufen und ah ned glei sichern /
Augen öffnen warad vanüftig und a wengal denga /
Drum spün wir daham z’Weihnochten imma nu Engal-Bengal!
