19. Loss Los feat. Demolux
Musik: Siegfried Gansch • Text: Siegfried Gansch, Jakob Roth • Rhodes/Keys: Riho Hayashi • Cuts/Scratches: Siegfried Gansch
Verse 1:
Seit ana Zeit fühst di gfaunga, im gleichen Kras /
Ollas kummt irgendwie zaum und die Entscheidung is schwa /
Du stehst zwischen den Stühlen und mit deina Meinung alla /
Daun los loss und her auf den Befreiungsalarm /
Es is Zeit, Zeit für an neicharen Plan /
Brich auf und schau noch wo si die Steigerung tarnt /
Du host Weisheit am Start, wast wo die Freiheit parkt /
Daun host du ois vor dir, steig moi gscheit aufs Gas /
He wos kaun di hoitn, einschränken und blocken? /
Ziags durch und los loss, ohne bremsen und stoppen /
Es liegt aun dir, gorned laung denken und mochn /
Überwind die leichten Hürden und die Grenzen san offen /
Loss ois liegn und steh, moch di bereit zum Ausbruch /
Frischluft schreit und es is Zeit für Ausdruck /
Oiso pock die Sochn und loss di treiben /
Oft is nur a klana Schritt der an oft befreit /
Chorus:
Loss Los, brich auf und moch di frei /
Loss di ned aufhoitn, sondern loss di treiben /
Her auf dei innere Stimm, auf Kopf und Geist /
Und wenn dei Herz danoch schreit, daun sois (doch) so sei /
(2x)
Verse 2:
I muas mi auf und davo mochn, afoch amoi loslossn /
I vagiss in Stress und die göbm Wisch in mein Postkostn /
Wos wüst de Leit erklärn, de di sowieso hossn? /
Cheers aun die Freind und Mittlfinger aun die Koksnossn /
Wos soi i no sogn, frei sei hast für mi ah /
Dass i am Handy ned obheb, wauns mi ned zaht /
Und wauns so wichtig is, daun schreibma a Message /
I hob mei Handy mit, i her’s leiten owa es stresst mi /
Es isma klor dass i dadurch poor Chancen liegen loss /
Owa mir is grod wichtiga dass i poor Tog mein Frieden hob /
I dazah oft die Wöd ned, dazah oft mi söbst ned /
Und nu weniger dass i mi öffne, es höft ned /
I siachs ei, es is mühsam mit mir /
Owa da Stühstaund zu dir, bringt mei Gfüh zruck zu mir /
Des is grod ’es wichtigste /
Wie soima irgendwem Liebe entgegn bringa, wauma si söwa ned megn? /
An Blick wieda fokusieren, an Fick gebn auf’s provozieren /
Na es muas ned sei dass vierzehnjährige mein Chorus plärrn /
I bin z’frieden, i hob scho sovü erreicht /
Jetzt seits ihr drauh, i lahn mi zruck und bin frei /
Chorus
Bridge
Verse 3:
Und scho wieder is ois für’n Orsch, wieda geht die Scheiße los /
Da Druck steigt und du host’s Gfüh dir zreissts in Kopf /
Frogezeichen über dir, wie befreist die bloß? /
Suach an Ausweg und reiß die los /