Chorus:
Wir schiassn zruck mit da Hoffnung die gwinnt /
Wir kämpfen dagegen mit geistiger Kroft die siegt /
Ihr kennts uns ned faunga, wir mochen ned mit /
Ihr kriagts vo uns kan Daumen, wäu wir haum des Stoppschüd im Griff /
Wir schiassn zruck mit da Hoffnung die gwinnt /
Wir kämpfen dagegen mit geistiger Kroft die siegt /
Uns geht’s um Frieden, eich um Mocht und Profit /
Eines Toges wermas plündern eicha gstopftes Verlies /
Verse 1:
Se fohren nu immer de Tour, haum nu immer ned gnua /
Ma was ned wos in erna vorgeht, wos si innerlich tuat /
Ah wemmas vo außen ned siacht, de dreckigen Finger voi Bluat /
Und des Herz des z’schnö erloschen is, wie im Winter a Gluat /
Se linken uns nur und se schicken uns fuat /
Se agieren foisch, doch se glauben es is richtig und guad /
Und manan durch Kontrolle fühlen si olle sicher im Urt /
I siach ka Besserung, i siach nur a giftige Spur /
Es ticken die Uhren, denn sie nutzen jegliche Chance /
Doch wir kennan die Wohrheit, haum die gaunzen Pläne durchschaut /
Wo hobts ihr eichan Frieden valuren, aun wen die Seele vakauft? /
Wiavü Morde begaunga, wiavü Menschenleben beraubt? /
Wir san dagegen und laut, brechn eichre Regeln komplett /
Ihr seits korrupt, oiso wer vastosst do gegen’s Gesetz? /
Ihr seits da Untergaung und lieferts ka Licht für die Wöd /
Und Schuid aun dem, is nur eicha scheiß giftiges Göd /
Chorus
Verse 2:
Wo san de foischen Verträge, wo die großen Beträge? /
Wo san dazua die Unterlogn und die gaunzen Belege? /
Warum streuts ihr schlechte Spaunnung oder Aungst in die Menge /
Unterdrückung und Einschränkung, is da Aufaung vom Ende /
Doch wir soin jo ned aus da Reih taunzen, nur noch deren Nosn /
Während’s Leit elend sterben lossn, wie im fernen Osten /
Dawäu’s Rechte verletzen und Werte missochten /
Setzen wir auf härtere Stroffn, vaochten gfährliche Woffn /
Unsere Herzen san offen und ned lieblos und eiskoid /
Für die grauenhoften Taten, wird eich da Teife nu eihoin /
In dem Füm der Wirklichkeit, spüts ihr Feign de scheiß Roin /
Auf der Suche noch Verblendung und dera scheiß Koin /
Bleibts uns gstoin, doch wir werden sicher ned miad /
Wir zreißen scho nu die Fäden, die ihr im Hintergrund ziagts /
Nehman eicha Hob und Gut und sendens in die dritte Wöd /
Denn duat kennan si’s guad brauchen, eicha gifitiges Göd /
Chorus
Verse 3:
Wos woits ihr nu ois vatuschen oder manipulieren? /
Wir soitn eich foign, wie eichare Soldaten maschieren? /
Soitn uns vor eich beign und zu Sklaven mutieren? /
Spüts eich nur weida so, eich hod da Satan am Schirm /
Es is tragisch und schirch und wos i oft ned schnoi? /
Warum eich da Durchblick föht, außer zu Mocht und Goid /
I siach nur eichan foischen Stoiz und nur Hoss und Gwoit /
Zeit, dass ihr auf eichan hochn Thron moi die Goschn hoits /
Des geht aun eich, aun olle bestechlichen horten Schläger /
Aun mochthobende Oberhäupter, ihr mochts storke Fehler /
An jeden schuidigen, koitblütigen und mordenden Täter /
Ob in Mexico, Afghanistan oder Nordkorea /
I bin dafir das boid jeder korrupte Schädel foit /
Und eicha gaunze Herrschoft, wie die meisten Bam im Regenwoid /
Ihr werts boid flehend bezoin oder ihr richtets eich söbst /
Und die Wöd wird wieder sauber, ohne giftiges Göd /