VERSE 1
Ma’ kennt des doch, dass an öfter moi da Zweifel pockt /
Wie ma‘ so duat, wie ma‘ denkt und wos ma‘ eigentlich mocht /
Rennt des Leben so wie is mog noch‘m eigenen Gschmock /
Oda hob i leida scho z‘oft, diverse Zeiten vapockt /
Wäu ma‘ si beeinflussen losst, vo sovü Seiten nur Schrott /
Gsteiat wird vo außen und des meistens im Kopf /
Wo ma‘ siacht, dass bei Politiker-Pfeifen nix kloppt /
I hob des Kreizal gmocht, owa hod die scheiße wos brocht /
Wo ma oft wos gaunz Großes aus ana Klanigkeit mocht /
Und oft siacht ma‘s ned, dass ma‘ ah mit Fleiß wos schofft /
Hin und wieder sitzt ma‘ do, glaubt sei Leistung is schwoch /
Die vameintliche Kroft, is de wos ma si‘ leise erhofft /
Jo do schweift ma‘ nur ob und des geistige stockt /
Ma‘ hod den leisen Vadocht, dass ma‘ si‘ bei Entscheidungen plogt /
Si‘ üwa Stock und Stein grobt wenige Meilen zum Grob /
Einfach gsogt, ma verliert si‘ leider beizeiten zu oft /
Doch sicher is, dass mir jedes klane Zeichen wos sogt /
Und wos bei mir hüft, i muas drüber Schreiben am Block /
Denn die Tintn is für mi weiterhin a heilender Soft /
Drum‘ leb i den Moment dass ma‘ aus dem a Leichtigkeit mocht
HOOK
Zarissenheit, mocht schlechtes Gwissn breit /
Ma‘ frogt si wo Gewichtung bleibt, weder Fisch nu Fleisch /
Oft a beschissene Zeit, doch wenn dei Licht nu scheint /
Wird‘s immer vorwärts geh, solaung ma‘ ned sitzt und schweigt / 2x
VERSE 2
Gedaunken rotieren weida, großa Kopfkonflikt /
Wo Klor- und Offenheit im Hirn auf Vastopfung trifft /
Es mocht mi oft so sick, wäu i kan Trost ned find /
Unentschlossen bin, jeder Widerspruch mei Hoffnung nimmt /
Wäu‘s doch nix bringt, jeder Eindruck mocht kan Sinn /
Kopfschütteln überwiegt, anstott dass i gelossen bin /
Wenige Augenblicke, wo i moi loch und grins /
Perspektive is wie mei Wödbüd - zabrochn und hin /
A Zeit wo Schotten bestimmt, da innan Kroft nix gelingt /
Wo ma‘ die meisten Aunblicke mit Aungst und Schock vabindt /
Systeme hoin di wieder ei, scho hod di da Strom bezwingt /
Wo ma‘ nie dafir wor, immer dagegen blockt und schwimmt /
Gegensotz vaschwindt, vaschwimmt, ma‘ is fost scho blind /
Überoi wird gsogt, bestimmt, dass ma‘ nur mit Mocht wos gwinnt /
I kennt kotzn, so schlimm, wäu‘s jeda Trottl so findt /
Wo is Besinnung bei de Menschen, wo da woche Instinkt /
I würd gern aussteigen, ned vom Leben sondern System /
Des herkömmliche Spü ned spün, wäuma die Roin ned steht /
Doch solaung im Herzen nu Licht und Sonne besteht /
Is ned z‘spät und ma‘ kaun so der tristen Foita entgeh