HOOK
Viereckate Augen im Quadratschädel /
LCD Display, stodd an Kaszeddl /
A Stereowatschn boxt mi’m Basspegel /
Nächte miassn draun glauben, doch kana kau mi maßregeln / 2x
VERSE 1
I kaun ned obschoitn, weder Kopf, nu Rechner und Equipment /
Luft erstickend, sitzend, bis die Netzhaut nimma Licht kennt /
Genick brennt, es bewegen si nur Daten en masse /
Da Hustle is krass, stundenlaung wird bastelt am Bass /
Jede App wird grockt, Plug and Play per Drag and per Drop /
Jeda Steckplotz is hot, Elektrosmog der gaunz deppat mocht /
Du kennst des doch, so werdn Nächte vabrocht /
Die Tracks san im Kopf und scho werdn die Samples gechoppt /
I bin in meina Wöd, kane Termine wern auf Doodle checkt /
Zum Essen bleibt ka Zeit, ned amoi ah Nudelsnack /
Ka Brot mit Butter und Schmoiz, ah jede Suppn wird koid /
Nur des Sitzfleisch is fett - dass jeder Muskel vakoikt /
Meine Leit schreiben ständig: „Oida kumm, jetzt iss a bissl“ /
I hob hechstens nur an Kabelsalot vor da Satelittenschissl /
Und a ned des Gfüh, dass ma wos innalich föht /
Mei Lieblingsmenü: Couch Potatoes und a stingades Gsöchts /
HOOK
VERSE 2
Da Router gliat brennhaas, doch die Verbindung reisst ned ob /
denn die Leitung is top, nix blockt, somit die Leistung ned knopp /
Non stop - Tausend Datenströme fördern mei Hirn /
Terabyte aun Sounds und Plug-Ins lossn Server kollabieren /
Mei Körper am vibrieren - i steh ständig unter Strom /
Kilowatt schiassen noch oben, is mei MPC moi glodn /
und droppen daun die Bomben, is des mehr ois nur a Firewall /
ned zu knacken, denn mei VPN vaschleiert ois /
Mei heiliges Goid, do vazicht i ned auf Datenschutz /
Während du dei Grasl zupfts und in di Plantagen huckst /
Wird emmsig auf mei Kastl druckt, unendlichlaung 4 Takte Loop /
bis i aus de Schlapfen hupf - üwaroi haase Luft /
Es gibt ka Stand by - i sitz ständig nur drin /
Definitiv a Definzit aun Licht und Melatonin /
Doch jeder Banger mocht Sinn - sovü is sicher /
I her nur mehr Computer-Lüfter und ka Vogelgezwitscher /