VERSE 1
I siach offene Leit, unfossbore Freid / Wäu a klana Bua am Straund poor Stana ins Wossa schmeisst / Es kaun ois so afoch sei wemmas moi vor Augen hod / Vielleicht wäu i kaum wos moch aun so an faulen Tog / Sonnenstroin knoin, ois is offen und worm / Harmonie, wie da Vota mit da Tochta im Orm / Neben mir a Freindin übernachtig und miad / Und bei mir da Beat im Ohr der im Takt rotiert / Es wird ned phantasiert, wäu ois real passiert / Mit Leichtigkeit woma sogt: So afoch und liab / Ah wenn i planlos wirk, heit ka Aug gschlossn wor / Kummt grod Hoffnung hervor, so offen und wohr / Hod mi fost troffen wie Amor, denn i gspir die Nähe / Na i büd mas ned ein, i siach des schene / Herzliche Geborgenheit, stork vo Sorgen befreit / Im jetzt und do, mir is egal wos i Morgen so treib /
HOOK
Bin im Jetzt und Do, genieß den Augenblick / Hob kloren Ausblick und ka vastaubte Sicht / Die Ungeschminktheit zagt ka traurig's Gsicht / I nimm den Moment der glaunzvoi aufblitzt / 2x
VERSE 2
Mittogessen fertig, jetzt nu coffee to go / Nu bissl des Vierdl erkundn, denn des schoff i scho nu / Für des nimma i ma Zeit, denn die hob i doch nu / Kurz nu Sonne tanken und daun ob ins Büro / Genieß die Stille, wäu kana durch die Gegend schreit / Loss ma guad geh am Ufer wie Antn im Federkleid / Hoi tiaf Luft, moch nu gach mei Seele frei / Loss Hektik vorbei, sog Danke für die Lebensfreid / Hob wenig Zeit, doch i loss ma nix nehma / Nutz die Gelegenheit, genau so wie's Wedda / Moch glei des beste draus, ned Monate späda / Denk aun Strophm zum Thema, ned aunan Stromzähler / Ned aun Kohle denga, wäu's kan Wert ned hod / Wäu i stott Profit vü mehr Liebe im Herzn trog / Ehrlich gsogt, mir is wichtig i bleib stork im Geist / Im Jetzt und Do, egal wos i Morgen so treib /
HOOK
VERSE 3
Da Schnee taut weg und i innerlich auf / Pure niceness sogen meine Stimmen im Bauch / Es is nur Zeit und Raum, kane Dinge die i brauch / I nimm die Schwingungen auf und sie finden ihren Lauf / Wohlfühlerlebnis ohne Spa und Wellness / Ois is leicht, nix wirdma schwa zum Vahängnis / Ois is offen, es gibt ka Bedrängnis / Ois lauft und is do und is afoch menschlich / Nix bremst mi oder vasperrt den Weg / Kane Grenzen und Schraunkn auf diesem Erdplanet / Hob mei Wertesystem, sowas stärkt extrem / Fokusier entspaunt mein Blick um wieder mehr zum segn / Wü ned in da Ferne schwebn, wü jetzt hern und vasteh / Ehrlich durch's Leben geh, dass si mei Herz bewegt / Es san Schmerzen weg, mi plogt ka horte Zeit / Im Jetzt und Do, egal wos i morgen so treib /