HOOK
Es geht um Klicks und Likes, Hits & Hypes /
Mehr Links zu Files, mehr Bits und Bytes /
Marketing wo ma‘ echt zu jedem Mittel greift /
Und die Tricks werdn teilt, so mocht ma‘ Business heit / 2x
VERSE 1
Gspirstas wie‘s di faungt he, täglich im Netz /
Du bleibst ewig davor hänga und bewegst di ned weg /
Ob vom Smartphone, PC oder vom riesigen Screen /
Sovü Kanäle und Portale oder Videostreams /
Sie sogn: live your dream - wir haben den billigsten Deal /
Nur ein Klick entfernt und Sie sind am Ziel /
Ois inszeniert, aunpasst, usergerechte Werbung /
Algorhythmen die da sogn: Wie du Looser ned daherkummst /
Kauf des, host des, kumm scho schnops jetzt /
Bitte amoi klicken, bis zu unser’m Online-Shop geht /
Und scho issa voi, da Warenkorb mit Schnick Schnack /
Du woitast eigentlich nix davo, des haum da nur de Links zagt /
Es is Krims Krams, stöhst im nochhinein fest /
Sie nogeln die fest, oida fuck wie mochn de des /
Reine Manipulation, Vamorkung wos um nix geht /
Egal ob Spam-Mails, Shitstorms, Clickbait
HOOK
VERSE 2
Hallo, do spüt de Musi, huach und schau amoi her /
Es is ernst, wir haum Kontakt mit unsern Augen valernt /
Wir schauen nimma grod aus noch vorn, nur mehr leer ins Display /
Herst wos is jetzt, i mog dei vasperrte Sicht ned /
Owa nix geht - oft zagt ma' ka Reaktion /
Ka Emotion, regungslos wie Stana am Mond /
Jo des samma gwohnt - des is da technische Fortschritt /
Generation Lost, du brauchst an mächtigen Orschtritt /
Doch in Bewegung bleiben is do oft des letzte Lebenszeichen /
Nur vom ewig swipen, gibt‘s Belostung aun den Sehnenscheiden / Hashtag: Wo is do da ehrliche Vibe /
Tausende die Like drucken, san nur sötn mit’m Herz dabei /
I siach’s schmerzbefreit, doch bin ah ned föhlafrei /
Denn des schlimme draun is, i dawisch mi söwa dabei /
Doch i teil mei echtes Leben, mit menschlichen Seelen /
Mit mehr persönlichen Connect, stott oberflächliches reden /
Owa um wos geht‘s oida...